ڈنمار ک میں اسرائیلی سفارتخانے کی عمارت کے نزدیک دھماکے

03, اکتوبر , 2024

نیوز ٹوڈے : ڈنمارک میں قائم اسرائیل کے سفارتخانے کے نزدیک دو دھماکے ـ بین الاقوامی میڈیا کے مطابق (کوپن ہیگن) میں اسرائیلی سفارتخانے کے نزدیک دھماکے ڈنمارک ٹائم کے مطابق صبح 3 سے 4 بجے کے درمیان ہوۓ ـ اسرائیی سفارتخانے کی جانب سے دھماکوں کی تصدیق کرتے ہوۓ کہا گیا کہ ان دھماکوں میں کوئی جانی نقصان نہیں ہوا اور نہ ہی سفارتخانے کی عمارت کو کسی قسم کا نقصان پہنچا ہے -

کوپن ہیگن پولیس کے بھی ایکس پر جاری کردہ بیان کے مطابق پولیس جاۓ وقوعہ پر ابتدائی تحقیقات میں مصروف ہے البتہ دھماکوں میں کسی کے زخمی ہونے یا کسی مالی نقصان کی کوئی اطلاع موصول نہیں ہوئی ہے - دھماکوں کے بعد سفارتخانے کی عمارت کے نزدیک موجود 3 مشتبہ افراد کو پولیس نے گرفتار کر لیا ہے -