کئی دہائیوں میں پہلی بار بل گیٹس کو بڑا جھٹکا لگا

03, اکتوبر , 2024

نیوز ٹوڈے : مائیکرو سافٹ کے بانی بل گیٹس پہلی بار دنیا کے امیر ترین افراد کی فہرست میں ٹاپ ٹین سے باہر ہو گئے ہیں۔ بل گیٹس 1991 کے بعد پہلی بار امیر ترین افراد میں بارہویں نمبر پر آئے ہیں۔

بین الاقوامی میگزین فوربز کے مطابق بل گیٹس کی دولت میں کمی کی ایک بڑی وجہ ان کی 2021 میں میلنڈا فرنچ گیٹس سے طلاق ہے۔دنیا کے 10 امیر ترین افراد کی نئی فہرست کے مطابق ایلون مسک پہلے نمبر پر ہیں، لیری ایلیسن دوسرے نمبر پر ہیں۔ اور تیسرے نمبر پر جیف بیزوس ہیں۔

فہرست میں مارک زکربرگ چوتھے امیر ترین شخص ہیں، برنارڈ ارنالٹ اور خاندان پانچویں، وارن بفیٹ چھٹے، لیری پیچ ساتویں اور امانسیو اوٹیگا آٹھویں نمبر پر ہیں۔