قومی کرکٹر عثمان قادر نے ریٹائرمنٹ کا اعلان کر دیا، وجہ بھی سامنے آگئی

03, اکتوبر , 2024

نیوز ٹوڈے : اسپنر عثمان قادر نے پاکستان کرکٹ سے ریٹائرمنٹ کا اعلان کر دیا۔عثمان قادر نے سوشل میڈیا پر ریٹائرمنٹ کا اعلان کیا -عثمان قادر سابق ٹیسٹ کرکٹر عبدالقادر کے صاحبزادے ہیں، وہ ایک ون ڈے اور 25 ٹی ٹوئنٹی میچز میں پاکستان کی نمائندگی کر چکے ہیں۔ این او سی کے حوالے سے کافی عرصے سے مسائل تھے۔ذرائع کا کہنا ہے کہ عثمان قادر بھی انٹرنیشنل ڈیپارٹمنٹ کے رویے سے کافی مایوس ہیں، وہ اب دوسرے ممالک میں اپنی کرکٹ کا مستقبل دیکھیں گے۔

قومی کرکٹر عثمان قادر نے ریٹائرمنٹ کا اعلان کردیا، وجہ بھی سامنے آگئی

عثمان قادر نے کہا کہ پاکستان کرکٹ میں میرا سفر شاندار رہا ہے اور پاکستان کی نمائندگی کرنا میرے لیے اعزاز کی بات ہے۔انہوں نے کہا کہ میں کوچز اور ٹیم کے ساتھیوں کا شکریہ ادا کرتا ہوں جنہوں نے میرا ساتھ دیا، میں اب اپنے والد کی میراث کو جاری رکھتے ہوئے ایک نئے باب میں داخل ہو رہا ہوں۔