ہر ہفتے کتنے لوگ چیٹ جی پی ٹی استعمال کرتے ہیں؟
- 04, اکتوبر , 2024
نیوز ٹوڈے : انٹرنیٹ کی دنیا میں ایک نئی سروس نے صارفین کی ترقی کے معاملے میں ٹک ٹاک اور انسٹاگرام جیسی مقبول ایپس کو پیچھے چھوڑ دیا ہے۔OpenAI کی مصنوعی ذہانت (AI) چیٹ بوٹ ChatGPT کو تاریخ میں سب سے تیزی سے ترقی کرنے والی ایپ قرار دیا گیا ہے۔OpenAI کے جاری کردہ اعداد و شمار کے مطابق، 250 ملین لوگ ہر ہفتے ChatGPT استعمال کرتے ہیں۔
اس سے قبل اگست 2024 کے آخر میں کمپنی نے کہا تھا کہ ہر ہفتے ChatGPT استعمال کرنے والوں کی تعداد 20 کروڑ ہے۔یعنی چند ہفتوں میں 5 کروڑ نئے صارفین نے اس سروس کو استعمال کرنا شروع کر دیا۔جون 2024 میں، نیویارک ٹائمز نے رپورٹ کیا کہ ChatGPT کے ماہانہ 350 ملین صارفین تھے۔
یہ واضح نہیں ہے کہ ان میں سے کتنے مفت میں سروس استعمال کرتے ہیں اور کتنے ماہانہ فیس ادا کرتے ہیں۔اگلے چند مہینوں میں چیٹ جی پی ٹی صارفین کی تعداد میں مزید اضافہ ہونے کا امکان ہے کیونکہ آئی فونز میں ایپل کا انٹیلی جنس ماڈل OpenAI کے پروگرام پر مبنی ہے۔
تبصرے