پاک انگلینڈ سیریز کے لیے میچ آفیشلز کا اعلان کر دیا گیا

04, اکتوبر , 2024

نیوز ٹوڈے : پاکستان اور انگلینڈ کے درمیان ٹیسٹ سیریز کے لیے میچ آفیشلز کا اعلان کر دیا گیا ہے۔

سیریز میں ویسٹ انڈیز کے سر رچی رچرڈسن آئی سی سی کے میچ ریفری ہوں گے، سری لنکا کے کمار دھرماسینا اور بنگلہ دیش کے شرف الدولہ سیکت پہلے ٹیسٹ میچ میں آن فیلڈ امپائر ہوں گے۔ نیوزی لینڈ کے کرسٹوفر گیفنی دوسرے ٹیسٹ میچ کے آن فیلڈ امپائر ہوں گے۔ اور سری لنکا کے کمار دھرم سینا تیسرے ٹیسٹ میں آن فیلڈ امپائر ہوں گے۔

واضح رہے کہ انگلینڈ اور پاکستان کے درمیان پہلا ٹیسٹ میچ ملتان کرکٹ اسٹیڈیم میں 7 اکتوبر سے کھیلا جائے گا، دوسرا ٹیسٹ میچ بھی 15 اکتوبر سے ملتان میں کھیلا جائے گا جب کہ تیسرا اور آخری ٹیسٹ میچ 24 اکتوبر راولپنڈی میں کھیلا جائے گا۔