ذمہ دار کون ہے؟ اندرون پی سی بی میٹنگ سامنے آگئی

14, اکتوبر , 2024

نیوز ٹوڈے : پاکستان کرکٹ بورڈ (پی سی بی) نے ڈائریکٹر انٹرنیشنل عثمان واہلہ کو تبدیل کرنے کا فیصلہ کیا ہے، یہ فیصلہ چیئرمین پی سی بی محسن نقوی کی زیر صدارت اجلاس میں کیا گیا۔

عثمان واہلہ سے پی سی بی انتظامیہ ناراض تھی - لاہور میں چیئرمین پی سی بی کی زیر صدارت ہونے والے اجلاس کی اندرونی کہانی سامنے آگئی جس کے مطابق انٹرنیشنل ڈائریکٹر عثمان واہلہ کو حالیہ مسائل کا ذمہ دار ٹھہرایا گیا۔

ذرائع کے مطابق پچز کی ذمہ داری انٹرنیشنل ڈائریکٹر کی ہے، انہوں نے غیر ذمہ داری کا ثبوت دیا۔ فزیو کلف ڈیکن، طاقت اور کنڈیشننگ کوچ ڈریکس سائمن کی کارکردگی پر بھی سوالات اٹھائے گئے۔

ملاقات میں بات ہوئی کہ دونوں کافی عرصے سے ٹیم سے منسلک ہیں، فٹنس کا گراف گر رہا ہے، پاکستان کے کرکٹرز فٹنس کے معاملے میں بہت پیچھے ہیں، اس بارے میں کچھ نہیں کیا گیا۔ذرائع کے مطابق پاکستان کرکٹ بورڈ نے انٹرنیشنل ڈیپارٹمنٹ کا نیا سربراہ لانے کا فیصلہ کیا ہے۔