اسرائیلی بمباری سے خیموں میں آگ لگنے سے کئ فلسطینی زندہ جل کر راکھ ہو گۓ

نیوز ٹوڈے :   غزہ میں الاقصیٰ ہسپتال کے باہر بنے پناہ گزین خیموں پر اسرائیی فوج نے بارود برسا دیا ، جس کے نتیجے میں 4 معصوم بے گھر فلسطینی زندہ جل کر راکھ ہو گۓ - بین الاقوامی میڈیا کی رپورٹ کے مطابق اسرائیلی بمباری سے خیمو ں میں لگنے والی آگ سے کئی فلسطینی زندہ جل گۓ اور لاتعداد جھلس کر زخمی بھی ہو گۓ - "عرب میڈیا" کی رپورٹ کے مطابق (دیرالبلاح) میں صیہونی فوج کی بمباری سے خیموں میں لگنے والی آگ میں جھلس کر 4 بے گھر فلسطینی شہید جبکہ 70 زخمی ہو گۓ ہیں - اور بمباری سے تقریباً 30 سے 40 خیمے جل گۓ -

نصیرات کے ایک سکول میں پناہ لینے والے فلسطینیوں پر بھی ٹینکوں سے بمباری کی گئی -جس سے 22 فلسطیی شہید اور 80 زخمی ہو گۓ ـ "فلسطینی محمکمہ اطلاعات" کے مطابق صیہونی فوج نے مقبوضہ مغربی کنارے سے 17 فلسطینیوں کو بھی گرفتار کر لیا ہے - شمالی غزہ کے 9 دن سے جاری محاصرہ کے دوران 300 مزید فلسطینی شہید ہو گۓ ہیں جبکہ دواؤں ، خوراک اور پانی کی شدید قلت پیدا ہو گئی ہے - اقوام متحدہ کے ایک نمائندے کا کہنا ہے کہ اسرائیل نسل کشی کرتے کرتے ایک اور نسل کشی پر اتر آیا ہے -