کھلاڑی کو تھپڑ، ہیڈ کوچ معطل

16, اکتوبر , 2024

نیوز ٹوڈے : بنگلہ دیش کرکٹ بورڈ نے ہیڈ کوچ چندیکا ہتھورا سنگھے کو معطل کر دیا۔ بنگلہ دیش کرکٹ بورڈ کے مطابق ہیڈ کوچ چندیکا ہتھورا سنگھے کو نظم و ضبط کی خلاف ورزی پر معطل کر دیا گیا ہے۔ بنگلہ دیش کرکٹ بورڈ کا کہنا ہے کہ چندیکا ہتھورا سنگھے کو معطلی کے 48 گھنٹے بعد عہدے سے ہٹا دیا جائے گا۔ .

رپورٹ کے مطابق بنگلہ دیش کرکٹ بورڈ نے ورلڈ کپ 2023 کے دوران اس الزام کی تحقیقات کی تھی، ایک کھلاڑی نے الزام لگایا تھا کہ ہتھورا سنگھے نے انہیں تھپڑ مارا تھا۔ بنگلہ دیش کرکٹ بورڈ نے فل سمنز کو عبوری کوچ مقرر کر دیا ہے۔