جب ٹیم اچھی کارکردگی نہیں دکھاتی تو سابق کھلاڑی اور میڈیا تنقید شروع کر دیتے ہیں: جیسن گلیسپی

25, اکتوبر , 2024

نیوز ٹوڈے : پاکستان کرکٹ ٹیم کے ہیڈ کوچ جیسن گلیسپی نے کہا ہے کہ جس دن پاکستانی ٹیم اچھی کارکردگی نہیں دکھاتی اس دن سابق کھلاڑی اور میڈیا اس پر تنقید کرتے ہیں۔غیر ملکی میڈیا کو انٹرویو دیتے ہوئے انہوں نے کہا کہ مجھے معلوم تھا کہ پاکستان کی کوچنگ چیلنجنگ ہوگی، اس بار پاکستان کی کوچنگ ماضی کے تجربات سے مختلف ہے۔

قومی ٹیم کے ہیڈ کوچ نے کہا کہ کوچنگ کی آفر آئی تو مجھے بتایا گیا کہ پاکستان کے لیے طویل منصوبے ہیں۔انہوں نے کہا، "میں پاکستان کرکٹ کے ماحول کو سمجھنے کی کوشش کر رہا ہوں، میں پاکستان کرکٹ میں ایڈجسٹ ہونے کے بارے میں روزانہ سیکھ رہا ہوں۔" جیسن گلیسپی۔

جیسن گلیسپی نے کہا کہ شان مسعود کو آسٹریلیا میں کپتانی سونپی گئی جو ایک مشکل دورہ تھا، شان مسعود کھلاڑیوں کے ساتھ اچھا سلوک کرتے ہیں۔انہوں نے کہا کہ بابر اعظم بہترین کھلاڑی ہیں، بڑے کھلاڑیوں پر برا وقت آیا ہے، مجھے یقین ہے کہ بابر اعظم جلد فارم میں واپس آئیں گے اور میچز جیتیں گے۔