پی سی بی سے اختلافات، وائٹ بال ٹیم کے ہیڈ کوچ کا عہدے سے استعفیٰ دینے کے بعد پہلا بیان

28, اکتوبر , 2024

نیوز ٹوڈے : پاکستان کرکٹ بورڈ سے اختلافات کے باعث قومی وائٹ بال ٹیم کے ہیڈ کوچ کے عہدے سے مستعفی ہونے والے سابق جنوبی افریقی بلے باز گیری کرسٹن کا پہلا بیان سامنے آگیا ہے۔
پاکستان کرکٹ ٹیم کے سابق ہیڈ کوچ گیری کرسٹن نے کہا کہ انہوں نے پاکستان کرکٹ بورڈ کا بیان پڑھ لیا ہے، استعفیٰ دینے کے بعد آج اپنا بیان جاری کریں گے۔

گیری کرسٹن نے کہا کہ ہیڈ کوچ کے عہدے سے استعفیٰ کیوں دیا، تمام وجوہات اپنے بیان میں پیش کروں گا۔

یاد رہے کہ گیری کرسٹن نے سلیکشن اور سپورٹ اسٹاف کے معاملات پر اختلافات کے باعث پاکستان کرکٹ بورڈ سے استعفیٰ دیا تھا۔
اس کے علاوہ گیری کرسٹن اور پی سی بی میں بابر اعظم کو دورہ زمبابوے کے لیے آرام دینے کے معاملے پر بھی اختلافات تھے، گیری کرسٹن دورہ جنوبی افریقہ سے قبل بابر اعظم کو کھلانا چاہتے تھے اور گیری کرسٹن بغیر اختیار کے کوچنگ نہیں کر رہے تھے۔

دوسری جانب پاکستان کرکٹ بورڈ نے گیری کرسٹن کا استعفیٰ منظور کرتے ہوئے قومی ریڈ بال ٹیم کے ہیڈ کوچ جیسن گلیسپی کو دورہ آسٹریلیا کے لیے ہیڈ کوچ مقرر کرنے کا فیصلہ کیا ہے۔