آج معیشت میں ترقی نواز شریف کی حکومت کی وجہ سے ہے، مریم نواز

29, اکتوبر , 2024

نیوز ٹوڈے : وزیراعلیٰ پنجاب مریم نواز نے کہا ہے کہآج معیشت میں ترقی نواز شریف کی حکومت کی وجہ سے ہے،حافظ آباد میں کسان کارڈ جاری کرنے کی تقریب سے خطاب کرتے ہوئے وزیر اعلیٰ مریم نواز نے کہا کہ دن رات کوششیں کسانوں کی زندگیوں میں بہتری کے لیےکر رہے ہیں۔

انہوں نے کہا کہ مجھے ایسی پالیسی بنانا ہے جس سے کسانوں کو نقصان نہ پہنچے، کسان کارڈ کے ذریعے کسانوں تک براہ راست پہنچ رہے ہیں، کسان کارڈ کے لیے 12 لاکھ سے زائد درخواستیں موصول ہوئی ہیں۔

مریم نواز نے کہا اسٹاک ایکسچینج ڈوب رہی تھی، لیکن آج 90 ہزار پر ہے۔ مہنگائی میں کمی آئی ہے آج نواز شریف کی حکومت کی وجہ سے معیشت ترقی کر رہی ہے۔مریم نواز نے کہا کہ اعتماد بحال ہورہا ہے اور غیر ملکی مہمان آرہے ہیں، میں پیش گوئی کررہی ہوں میں پنجاب کو بدلتا دیکھ رہی ہوں، کہ فتنہ ختم ہورہا ہے اور غیبت کی سیاست دم توڑ رہی ہے۔