"مجھے 3 لاکھ لوگ دیں، پھر ہم اسٹیبلشمنٹ سے بات نہیں کریں گے، اسٹیبلشمنٹ ہم سے بات کرے گی

نیوز ٹوڈے :   پاکستان تحریک انصاف (پی ٹی آئی) کی رہنما شیرا فضل مروت نے پارٹی قیادت کو تنقید کا نشانہ بناتے ہوئے کہا ہے کہ اگر مجھے صرف 3 لاکھ بندے دیں تو میں پی ٹی آئی کے بانی کی رہائی کے لیے ڈی چوک پر دھرنا دوں گا۔شیر افضل مروت نے کہا کہ بانی پی ٹی آئی کی رہائی کے لیے دھرنا ہی واحد آپشن ہے، پھر ہم اسٹیبلشمنٹ سے بات نہیں کریں گے بلکہ اسٹیبلشمنٹ خود ہم سے بات کرے گی۔

انہوں نے سوال اٹھایا کہ ہمارے پاس 300 سے 400 پارلیمنٹرینز ہیں، وہ احتجاج میں کیوں نظر نہیں آئے، صوابی کے جلسے میں وزیراعلیٰ خیبرپختونخوا نے اخراجات اپنی جیب سے ادا کئے۔ انہیں احتجاج کرنے کی کیا ضرورت ہے؟

شیرافضل نے کہا کہ ساری چیزیں ایک وزیر اعلیٰ پر کیوں لادی جا رہی ہیں، علی امین گنڈا پور مائنس ہیں تو پارٹی کے پاس کوئی دوسرا چہرہ نہیں، پارٹی کو متبادل قیادت ہونی چاہیے۔

ان کا مزید کہنا تھا کہ 11 اپریل سے آج تک میں سائیڈ لائن ہوں، بانی پی ٹی آئی نے مجھے کمیٹی بنانے کا کہا، بعد میں انہیں کہا گیا کہ سارا کریڈٹ میں لیتا ہوں، ہو سکتا ہے کریڈٹ میرے مخالفین لیں، لیکن بانی پی ٹی آئی اگر ایسا ہے تو کر لیں۔

پروگرام میں فواد چوہدری کے بارے میں شرافضل مروت کا کہنا تھا کہ فواد چوہدری کو کسی قسم کا پھل کھانے کا شوق ہے، فواد نے اپنی مستحکم پاکستان پارٹی چھوڑنے کا اعلان بھی نہیں کیا، انہیں کون سی پارٹی لے گی۔

انہوں نے کہا کہ فواد چوہدری نے کوئی پارٹی چھوڑی ہے۔ پی ٹی آئی میں کسی پر تنقید کرنے سے گریز نہیں کیا بلکہ پارٹی کے ساتھ کھڑے ہونے اور کھڑے ہونے کا وقت آنے پر بھاگ گئے۔شیر افضل نے کہا کہ ان کے بھائی فیصل چوہدری پارٹی کے قریب ہو رہے تھے، اب وہ اپنے بھائی کا بھی پتا کاٹ رہے ہیں۔