ٹی وی شو کے میزبان اور کامیڈین تابش ہاشمی کے لیے ایک اور اعزاز

31, اکتوبر , 2024

نیوز ٹوڈے : ٹی وی شو کے میزبان اور کامیڈین تابش ہاشمی نے ایک اور اعزاز اپنے نام کر لیا۔پاکستان کی انٹرٹینمنٹ انڈسٹری میں کامیڈی کے منفرد انداز کی وجہ سے مشہور ٹی وی میزبان تابش ہاشمی کو ان کے ادارے آئی بی اے کی جانب سے انٹرٹینمنٹ انڈسٹری میں بہترین کارکردگی کے لیے ایکسی لینس ایوارڈ سے نوازا گیا ہے۔

تابش ہاشمی نے کہا کہ وہ اس ایوارڈ پر بہت خوش ہیں، انہیں امید نہیں تھی کہ انہیں یہ ایوارڈ ملے گا۔تابش ہاشمی کا مزید کہنا تھا کہ لوگ حیران ہوں گے کہ ایک اسٹینڈ اپ کامیڈین کو ایوارڈ کیسے ملا لیکن ان کے کیریئر کا پہلا اسٹینڈ اپ بھی آئی بی اے نے ہی منعقد کیا تھا۔

IBA کی جانب سے نو سابق طلباء کو مختلف شعبوں میں ان کی شاندار کارکردگی پر نوازا گیا۔تقریب میں ایوارڈز حاصل کرنے والوں میں مختلف اداروں کے سی ای اوز، ڈینز اور کاروباری شخصیات شامل تھیں۔