مریم نواز نے کینسر ہسپتال کا سنگ بنیاد رکھ دیا، ہسپتال کا نام کیا ہے؟

31, اکتوبر , 2024

نیوز ٹوڈے : وزیراعلیٰ پنجاب مریم نواز نے لاہور میں نواز شریف کینسر ہسپتال کا سنگ بنیاد رکھ دیا۔

نواز شریف انسٹی ٹیوٹ آف کینسر ٹریٹمنٹ اینڈ ریسرچ کی تقریب سے خطاب کرتے ہوئے مریم نواز نے کہا کہ اللہ کا شکر ہے کہ آج نواز شریف کی خواہش پوری ہونے جارہی ہے، یہاں کینسر کے ہر اسٹیج میں مبتلا مریض کا علاج ہوگا۔ نواز شریف کینسر ہسپتال صرف پنجاب کے لوگوں کا نہیں پورے ملک کے لوگوں کا ہے۔

وزیر اعلیٰ پنجاب کا مزید کہنا تھا کہ پنجاب نے تمام صوبوں کے لوگوں کے لیے اپنے دل کے دروازے کھولے ہیں، میری مرحومہ والدہ اس بیماری سے چل بسی۔ انہوں نے کہا کہ صوبائی حکومت نے جو پیسہ رکھا ہے وہ صوبے کے عوام کا ہے۔ ریاست ماں کی طرح ہوتی ہے، وہ اپنے بچوں کا درد جانتی ہے۔