شہباز اور مریم بہت اچھا کام کر رہے ہیں، پاکستان دوبارہ ٹریک پر آ رہا ہے، نواز شریف

04, نومبر , 2024

نیوز ٹوڈے : پاکستان مسلم لیگ (ن) کے صدر اور سابق وزیراعظم نواز شریف نے کہا ہے کہ وفاق میں شہباز شریف اور پنجاب میں مریم نواز بہت اچھا کام کر رہے ہیں، پاکستان دوبارہ ٹریک پر آ رہا ہے۔امریکا سے لندن واپسی پر نواز شریف نے کہا کہ پنجاب حکومت نے پی آئی اے کی خریداری پر غور کیا ہے اور اس پر مزید کام کرنے کا ارادہ ہے۔ اگر ایسا ہوتا ہے تو ملک کو ایک اچھی ایئر لائن ملے گی۔

انہوں نے کہا کہ شہباز شریف اور مریم نواز بہت اچھا کام کر رہے ہیں، پاکستان دوبارہ ٹریک پر آ رہا ہے، معاشی اشاریے بہتر ہو رہے ہیں اور مہنگائی کم ہو رہی ہے۔انہوں نے کہا کہ شہباز شریف دن رات محنت کر رہے ہیں اور بہت بہتری آئی ہے، مریم نواز پنجاب میں اچھا کام کر رہی ہیں، مریم دن رات پریشان ہیں کہ غریب آسانی سے رہ سکے۔