پاکستان کے 3 کھلاڑی ورلڈ اسنوکر چیمپئن شپ کے ناک آؤٹ مرحلے میں پہنچ گئے

04, نومبر , 2024

نیوز ٹوڈے : پاکستان کے تین کھلاڑی انٹرنیشنل بلیئرڈ اسنوکر فیڈریشن (آئی بی ایس ایف) ورلڈ اسنوکر چیمپئن شپ کے ناک آؤٹ راؤنڈ میں پہنچ گئے۔پاکستان کے اسجد اقبال براہ راست راؤنڈ آف 16 میں پہنچ گئے جبکہ آصف اور اویس ورلڈ سنوکر چیمپئن شپ ایونٹس میں راؤنڈ آف 24 میں کھیلیں گے۔

جرمنی کے سائمن لیچن برگ سے ہارنے کے باوجود محمد آصف اگلے راؤنڈ میں پہنچ گئے اور محمد آصف فریم فرق کی بنیاد پر اپنے گروپ میں دوسرے نمبر پر رہے۔آخری میچ میں سائمن لائچن برگ نے آصف کو 3-4 سے، اسجد اقبال نے آخری گروپ میچ میں قطر کے خامس العبیدی کو 0-4 سے شکست دی۔

اسجد اقبال نے تینوں میچ جیت کر گروپ میں پہلی پوزیشن حاصل کی جبکہ اویس منیر نے بحرین کے حبیب صباح کو 1-4 سے شکست دے کر ناک آؤٹ راؤنڈ میں جگہ بنالی۔پاکستان کے چوتھے کھلاڑی نسیم اختر دو میچ ہارنے کے بعد ناک آؤٹ راؤنڈ تک پہنچنے میں ناکام رہے۔