سموگ کے نئے اسپیل کا خطرہ، ریڈ الرٹ جاری

05, نومبر , 2024

نیوز ٹوڈے : صوبائی دارالحکومت کو سموگ کی تازہ لہر کا خطرہ ہے، جس کے پیش نظر محکمہ ماحولیات نے ریڈ الرٹ جاری کر دیا ہے۔

محکمہ ماحولیات کے مطابق آئندہ 24 گھنٹوں میں بھارتی ہواؤں کا رخ پاکستان کی جانب ہوگا، لاہور اور اس کے گردونواح میں داخل ہونے والی ہوا کی رفتار 4 سے 8 کلومیٹر فی گھنٹہ ہوگی۔ لاہور کا ایئر کوالٹی انڈیکس ایک بار پھر شدید متاثر ہونے کا خدشہ ہے۔

دوسری جانب سینئر وزیر پنجاب مریم اورنگزیب کا کہنا ہے کہ سموگ کا مسئلہ پوری دنیا میں ہے، لاہور کی ہوا میں سارا سال سانس لینا خطرناک ہے۔انہوں نے کہا کہ سموگ پر قابو پانے کے لیے کسانوں کو مشینری فراہم کر رہے ہیں، سموگ کے لیے کام 8 ماہ قبل شروع کیا گیا تھا، غیر معمولی حالات میں غیر معمولی اقدامات کیے جا رہے ہیں۔