نیپرا نے کراچی والوں کے لیے بجلی مزید مہنگی کر دی

05, نومبر , 2024

نیوز ٹوڈے : نیشنل الیکٹرک پاور ریگولیٹری اتھارٹی (نیپرا) نے کراچی کے شہریوں کے لیے بجلی مہنگی کردی۔نیپرا نے کراچی کے شہریوں کے لیے بجلی کی قیمت میں 40 پیسے فی یونٹ اضافے کا نوٹیفکیشن بھی جاری کردیا۔

نوٹیفکیشن کے مطابق کراچی کے شہریوں کے لیے اگست کی فیول پرائس ایڈجسٹمنٹ کے تحت بجلی کی قیمت میں 40 پیسے فی یونٹ اضافہ کیا گیا ہے۔نیپرا کے نوٹیفکیشن میں کہا گیا ہے کہ کے الیکٹرک کے صارفین سے ریکوری جنوری کے بلوں میں کی جائے گی جبکہ اضافے کا اطلاق لائف لائن صارفین پر نہیں ہوگا جو ماہانہ 100 یونٹ تک بجلی استعمال کرتے ہیں۔