نوجوان اللہ پر اپنا یقین مضبوط رکھیں: نعمان اعجاز

نیوز ٹوڈے :     نعمان اعجاز نے نوجوانوں کو اللہ پر مکمل یقین رکھنے کا مشورہ دے دیا۔ نجی ٹی وی کے ایک پروگرام میں  اداکار نے شرکت کی جہاں انہوں نے مختلف موضوعات پر گفتگو کی۔

ایک سوال کے جواب میں نعمان اعجاز نے کہا کہ یہ سچ ہے کہ ہمیں اللہ کی طرف سے سب کچھ ملتا ہے، یہ تمام نعمتیں ہم کیسے حاصل کر سکتے ہیں، ہم خود کیا کر سکتے ہیں؟ ہم کچھ نہیں کر سکتے اس لیے اللہ کا جتنا ہو سکے شکر ادا کرنا چاہیے۔ انہوں نے حاضرین کو مخاطب کرتے ہوئے کہا کہ میں یہ باتیں آپ سب کو متاثر کرنے کے لیے نہیں کہہ رہا بلکہ یہ حقیقت ہے کہ ہمارا ایمان مضبوط ہونا چاہیے۔ .

سینئر اداکار نے کہا کہ میں ہمیشہ نوجوانوں کو نصیحت کرتا ہوں کہ وہ خود پر یقین کرنا سیکھیں اور ہمیشہ اللہ پر امید رکھیں، میں نے آج جو کچھ حاصل کیا ہے اس کے لیے میں نے طویل انتظار کیا، میں نے بہت جدوجہد کی، لوگ میرا مذاق اڑاتے ہیں۔ لیکن میں ان پر توجہ نہیں دیتا، اپنے آپ پر یقین رکھتا ہوں اور اپنے کام پر توجہ دیتا ہوں۔

 نعمان اعجاز نے انٹرویو کے آخر میں کہا کہ اللہ کا شکر ادا کریں، اللہ پر بھروسہ مضبوط کریں۔