واٹس ایپ میں نئے اور انتہائی مفید فیچر کا اضافہ

نیوز ٹوڈے :   واٹس ایپ میں ریورس امیج سرچ کے ایک نئے فیچر پر کام کیا جا رہا ہے۔یہ فیچر آپ کو آن لائن سرچ کی سہولت دے گا تاکہ تصویر کی صداقت کا فوری پتہ چل سکے۔ یعنی اگر آپ کو کسی دوست کی تصویر موصول ہوئی ہے تو یہ فیچر اس کی صداقت جاننے میں مددگار ثابت ہوگا۔ .

یہ فیچر حال ہی میں اینڈرائیڈ ڈیوائسز کے لیے واٹس ایپ کے بیٹا ورژن میں جاری کیا گیا ہے۔ فیچر کو استعمال کرنے کا طریقہ بہت آسان ہے۔ جب آپ کو کوئی تصویر موصول ہوتی ہے، تو اس پر کلک کریں اور پھر اوپر دائیں جانب تھری ڈاٹ مینو۔ ویب پر نئی تلاش کا آپشن منتخب کریں۔

ایسا کرنے سے یہ تصویر گوگل پر اپ لوڈ ہو جائے گی اور سرچ انجن اسی طرح کی تصاویر دکھائے گا۔اس سے آپ کو اندازہ ہوگا کہ تصویر کتنی معتبر ہے۔

ویسے تو آپ اس تصویر کو ڈیوائس پر ڈاؤن لوڈ کرنے کے بعد گوگل امیج سرچ پر اپ لوڈ کر کے یہ عمل پہلے کر سکتے تھے لیکن واٹس ایپ اس فیچر کی مدد سے ریورس امیج سرچ کو آسان بنا رہا ہے۔

جیسا کہ اوپر بتایا گیا ہے کہ یہ فیچر ابھی بھی بیٹا ورژن میں ہے اس لیے یہ کہنا مشکل ہے کہ اسے تمام صارفین کے لیے کب متعارف کرایا جائے گا۔