بلاول بھٹو کا سموگ سے پریشان شہریوں کو انوکھا مشورہ

13, نومبر , 2024

نیوز ٹوڈے : پاکستان پیپلز پارٹی کے چیئرمین بلاول بھٹو زرداری نے ملک کے دیگر شہروں میں سموگ سے پریشان شہریوں کو کراچی منتقل ہونے کا مشورہ دے دیا۔

بلاول بھٹو زرداری نے ایکس پر ایک بیان میں پنجاب اور خیبرپختونخوا کے شہروں میں آلودگی کی تفصیلات بھی شیئر کیں جس میں بڑے شہروں کے اے کیو آئی پوائنٹس کی تفصیلات بھی موجود ہیں۔ واضح رہے کہ پاکستان میں سموگ اتنی زیادہ ہو گئی ہے کہ خلا بھی نظر آنے لگا ہے، شدید دھند اور سموگ کے باعث فلائٹ آپریشن بھی متاثر ہے جب کہ مختلف مقامات پر موٹر ویز کو بھی ٹریفک کے لیے بند کرنا پڑا ہے۔ پنجاب حکومت نے بڑھتی ہوئی سموگ اور فضائی آلودگی کے باعث صوبے کے تمام اضلاع میں نجی اور سرکاری سکول بند کرنے کے احکامات جاری کر دیئے۔

پنجاب میں بڑھتی سموگ اور فضائی آلودگی کے باعث 17 نومبر تک تمام اسکول مکمل بند رکھنے اور نجی اداروں کے نصف اسٹاف کو آن لائن شفٹ کرنے کا فیصلہ کیا گیا ہے۔