پیٹرولیم مصنوعات کی قیمتوں میں اضافے کا امکان

13, نومبر , 2024

نیوز ٹوڈے : ملک میں پیٹرولیم مصنوعات کی قیمتوں میں ساڑھے 5 روپے فی لیٹر اضافے کا امکان ہے۔آئل کمپنی کے ذرائع کے مطابق 16 نومبر سے پیٹرول کی قیمت میں 2 روپے 58 پیسے فی لیٹر اضافے کا امکان ہے جب کہ ڈیزل کی قیمت میں ساڑھے 5 روپے فی لیٹر اضافے کا امکان ہے۔

ذرائع کا کہنا ہے کہ مٹی کے تیل کی قیمت میں 2 روپے 58 پیسے فی لیٹر اضافے کا امکان ہے۔ یاد رہے کہ حکومت نے یکم نومبر سے اگلے 15 دنوں کے لیے پیٹرول کی قیمت میں 1 روپے 35 پیسے فی لیٹر کا اضافہ کیا تھا جس کے بعد پیٹرول کی نئی قیمت 248 روپے 38 پیسے فی لیٹر مقرر کی گئی تھی۔