نیوزی لینڈ کے فاسٹ باؤلر ٹم ساؤتھی نے ٹیسٹ کرکٹ سے ریٹائرمنٹ کا اعلان کر دیا
- 15, نومبر , 2024
نیوز ٹوڈے : نیوزی لینڈ کے فاسٹ باؤلر ٹم ساؤتھی نے ٹیسٹ کرکٹ سے ریٹائرمنٹ کا اعلان کر دیا۔ریٹائرمنٹ کے اعلان پر ٹم ساؤتھی کا کہنا تھا کہ 18 سال تک نیوزی لینڈ کے لیے کھیلنا اعزاز کی بات ہے، نیوزی لینڈ کی نمائندگی کرنا شروع سے ہی خواب تھا۔
کیوی فاسٹ بولر کے ریٹائرمنٹ کے اعلان پر نیوزی لینڈ کے ہیڈ کوچ گیری سٹیڈ کا کہنا تھا کہ ٹم ساؤتھی کا کیریئر شاندار رہا، ریکارڈ ان کے بارے میں سب کچھ بتاتا ہے، انہوں نے نیوزی لینڈ کی فتوحات میں اہم کردار ادا کیا ہے۔
ٹم ساؤتھی اگلے ماہ انگلینڈ کے خلاف ہوم گراؤنڈ ہیملٹن میں آخری ٹیسٹ میچ کھیلیں گے لیکن اگر نیوزی لینڈ ورلڈ ٹیسٹ چیمپئن شپ کے فائنل کے لیے کوالیفائی کر لیتا ہے تو بھی وہ ٹیم کے لیے دستیاب ہوں گے۔
ٹم ساؤتھی بھی انگلینڈ کے خلاف ٹیسٹ سیریز کے بعد اپنے وائٹ بال کیریئر کا فیصلہ کریں گے۔
ٹم ساؤتھی نے اب تک 104 ٹیسٹ میچوں میں 385، 161 ون ڈے میچوں میں 221 اور 126 ٹی ٹوئنٹی میچوں میں 164 وکٹیں حاصل کی ہیں۔یاد رہے کہ نیوزی لینڈ اور انگلینڈ کی ٹیموں کے درمیان تیسرا ٹیسٹ 14 دسمبر سے ہیملٹن میں شروع ہوگا۔
تبصرے