تحریک انصاف کی بانی اور بشریٰ بی بی کا ایجنڈا اسرائیل جیسا ہی ہے، عظمیٰ بخاری

نیوز ٹوڈے :  پنجاب کی وزیر اطلاعات عظمیٰ بخاری کا کہنا ہے کہ تحریک انصاف کی بانی اور بشریٰ بی بی کا ایجنڈا اسرائیل جیسا ہی ہے۔

پنجاب کی وزیراطلاعات عظمیٰ بخاری نے اپنے بیان میں کہا ہے کہ پی ٹی آئی کی بانی اور بشریٰ پنکی پاکستان دشمنی کی انتہا کرچکے ہیں، فساد کی منصوبہ بندی میں اس جھوٹ کا ذکر بلاشبہ ملک کے خلاف سازش ہے۔

انہوں نے کہا کہ بشریٰ پنکی نے پی ٹی آئی کے بانی کے کہنے پر برادر اسلامی ممالک کے حوالے سے شرمناک بیان دیا جنہوں نے بطور وزیراعظم سعودی عرب، چین اور امریکہ کے ساتھ تعلقات کو نازک موڑ پر پہنچا دیا۔

عظمیٰ بخاری نے کہا کہ پی ٹی آئی کے بانی نے پاکستان کو عالمی سطح پر تنہا کرنے کے لیے ہر حربہ استعمال کیا، اب بشریٰ پنکی اپنے شوہر کے نقش قدم پر چل کر ملک کی خارجہ پالیسی کو داؤ پر لگا رہی ہیں۔

وزیراطلاعات پنجاب نے کہا کہ وزیر اعظم شہباز شریف نے بڑی محنت سے دو سال میں چین اور سعودی عرب کے ساتھ دوستانہ تعلقات بحال کئے۔ دوست ممالک کے خلاف بیانات دے کر جاہل عورت کس کے ایجنڈے پر کام کر رہی ہے؟ پی ٹی آئی کی بانی اور بشریٰ پنکی کا ایجنڈا وہی ہے جو اسرائیل کا ہے۔