ملک میں گزشتہ 24 گھنٹوں کے دوران پولیو کے 4 نئے کیسز رپورٹ

25, نومبر , 2024

نیوز ٹوڈے : گزشتہ 24 گھنٹوں کے دوران ملک بھر سے پولیو کے 4 کیسز رپورٹ ہوئے ہیں۔

ذرائع کے مطابق 4 نئے کیسز میں سے 2 کا تعلق خیبرپختونخوا اور 2 کا بلوچستان سے ہے۔ مزید 4 کیسز کے بعد رواں سال پولیو سے متاثرہ بچوں کی تعداد 56 ہوگئی۔ ڈیرہ اسماعیل خان میں 8 ماہ کی بچی میں پولیو وائرس کی تصدیق ہوئی ہے۔

اس سے قبل ملک میں پولیو وائرس کے مزید 3 نئے کیسز سامنے آئے ہیں، پولیو سے متاثرہ 2 بچوں کا تعلق بلوچستان اور ایک کا تعلق خیبرپختونخوا سے ہے۔وزارت صحت کے ذرائع کا کہنا ہے کہ ملک میں پولیو وائرس کے کیسز کی تعداد میں اضافہ ہو رہا ہے۔