کرم جل رہا ہے لیکن خیبرپختونخوا حکومت غائب ہے، بلاول بھٹو کا اظہار تشویش

  • 25, نومبر , 2024
بلاول بھٹو زرداری

نیوز ٹوڈے :     پاکستان پیپلز پارٹی کے چیئرمین بلاول بھٹو زرداری نے کہا ہے کہ ضلع کرم عدم تحفظ کی آگ میں جل رہا ہے لیکن خیبرپختونخوا حکومت غائب ہے۔بلاول بھٹو نے کہا کہ تین دنوں میں 80 شہری مارے گئے، لوگ اپنے گھروں میں بھی محفوظ نہیں، پی ٹی آئی حکومت شہریوں کے جان و مال کے تحفظ میں ناکام ہو چکی ہے۔

انہوں نے کہا کہ ہم ضلع کرم میں پی ٹی آئی حکومت کی مجرمانہ غفلت کی مذمت کرتے ہیں۔ بلاول بھٹو نے کہا کہ ہم خیبرپختونخوا کو اس طرح عدم تحفظ کی آگ میں جلتا نہیں دیکھ سکتے، اموات پر ہمارا دل خون کے آنسو رو رہا ہے، پیپلزپارٹی پورے خیبرپختونخوا میں امن کے قیام کے لیے اپنا کردار ادا کرے گی۔

واضح رہے کہ ضلع کرم میں گزشتہ 4 روز کے دوران بدامنی کے حالیہ واقعات میں اب تک 85 افراد ہلاک ہوچکے ہیں، جن میں 49 مسافر بھی شامل ہیں جنہیں پشاور پاراچنار روڈ پر نشانہ بنایا گیا تھا۔ اس کے بعد ہونے والی جھڑپوں میں کئی اور لوگ مارے گئے۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام