'میں کہیں نہیں جا رہا، نماز پڑھ کر واپس آؤں گا'، علی امین کی کارکنوں سے جھگڑے کی پرانی ویڈیو وائرل

  • 25, نومبر , 2024
علی امین گنڈا پور

نیوز ٹوڈے :    وزیراعلیٰ خیبرپختونخوا علی امین گنڈا پور کی پاکستان تحریک انصاف کے احتجاج میں کارکنوں سے جھگڑے کی ایک پرانی ویڈیو وائرل ہوگئی ہے۔سوشل میڈیا پر ایک ویڈیو وائرل ہوئی ہے جس میں دیکھا جا سکتا ہے کہ پی ٹی آئی کے کارکنوں نے علی امین کی گاڑی کو گھیرے میں لے رکھا ہے اور وہ اڈیالہ چلے جائیں کے نعرے لگا رہے ہیں۔

اس موقع پر علی امین نے کہا کہ وہ کہیں نہیں جا رہے، ریسٹ ایریا میں جائیں گے، وضو کریں گے، نماز پڑھیں گے اور پھر واپس آئیں گے۔اس پر وہاں موجود کارکنوں نے بھی اس سے اتفاق کرتے ہوئے اسے جانے کی اجازت دے دی۔

یہ ویڈیو سوشل میڈیا پر تیزی سے وائرل ہو رہی ہے ۔ سوشل میڈیا پر وائرل ہونے والی ویڈیو پرانی ہے اور یہ 4 اکتوبر کی ویڈیو ہے جو اب وائرل ہو رہی ہے۔

واضح رہے کہ وزیراعلیٰ خیبرپختونخوا علی امین گنڈا پور کی قیادت میں پی ٹی آئی کا قافلہ حضرو انٹر چینج پہنچ گیا ہے، اس قافلے میں بشریٰ بی بی بھی شریک ہیں۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام