لاکھوں مالیت کے جعلی نوٹ، بینک برانچ سیل

25, نومبر , 2024

نیوز ٹوڈے : اسٹیٹ بینک آف پاکستان نے نیشنل بینک آف پاکستان (این بی پی) کی حافظ آباد برانچ کو 500 روپے کے 20 لاکھ روپے کے جعلی کرنسی نوٹ ملنے پر سیل کر دیا ہے۔نجی ٹی وی کے مطابق اسٹیٹ بینک نے اس سنگین غفلت پر نیشنل بینک پر 20 کروڑ روپے کا بھاری جرمانہ بھی عائد کر دیا ہے۔

رپورٹ کے مطابق جعلی کرنسی نجی بینک کے ذریعے نیشنل بینک کی برانچ میں جمع کروائی گئی جس سے بینکنگ کی نگرانی میں خدشات بڑھ گئے ہیں۔جعلی کرنسی کی اصلیت کا پتہ لگانے کے لیے اعلیٰ سطحی تحقیقات جاری ہیں۔ کیس میں متعدد ایجنسیوں کے ملوث ہونے سے پیچیدگیاں پیدا ہو گئی ہیں جس سے تفتیش میں مشکلات پیدا ہو رہی ہیں۔