اے آئی ٹیکنالوجی پر مبنی ڈیتھ کلاک تیار

نیوز ٹودے :    کسی کے لیے یہ کہنا ممکن نہیں کہ انسان کب مرے گا۔لیکن اب موت کی پیش گوئی کے لیے مصنوعی ذہانت کی ٹیکنالوجی (AI) کا استعمال کیا جا رہا ہے۔جی ہاں، ڈیتھ کلاک کے نام سے ایک اے آئی ایپ جاری کی گئی ہے، جو صارفین میں کافی مقبول ہو چکی ہے۔جولائی میں لانچ ہونے والی ایپ کو اب تک 125,000 بار ڈاؤن لوڈ کیا جا چکا ہے۔

اس ایپ میں استعمال ہونے والے AI ماڈل کو اوسط عمر کے بارے میں 1200 سے زیادہ تحقیقی رپورٹس کے ڈیٹا سے تربیت دی گئی ہے۔ان تحقیقی رپورٹس میں 53 ملین سے زائد افراد کو شامل کیا گیا۔

یہ خوراک، ورزش، تمباکو نوشی، تناؤ کی سطح اور نیند سمیت مختلف دیگر تفصیلات کا استعمال کرتے ہوئے موت کی تاریخ کی پیش گوئی کرتا ہے۔اس کے ڈویلپر برینٹ فرانسن کے مطابق یہ ایپ لوگوں کو اپنا خیال رکھنے کے لیے تیار کرتی ہے۔ایپ ڈیتھ ڈے کارڈ دکھاتی ہے، لیکن اس کا بنیادی مقصد لوگوں کی صحت پر توجہ مرکوز کرنے میں مدد کرنا ہے۔

یہ ایپ ذاتی تجسس سے بالاتر ہو کر مختلف شعبوں میں کارآمد ثابت ہو سکتی ہے، یا کم از کم ڈیولپرز کا دعویٰ ہے۔مالی اور اقتصادی تخمینوں میں اوسط متوقع عمر کو اہم سمجھا جاتا ہے، جس کے مطابق بزرگوں کے لیے پنشن اور دیگر مالی فوائد کی منصوبہ بندی کی جاتی ہے۔

ڈویلپر نے کہا کہ یہ ٹیکنالوجی ڈیتھ کلاک میں استعمال ہونے والے نئے الگورتھم کے ذریعے مالیاتی منصوبہ بندی میں انقلاب لا سکتی ہے۔

برینٹ فرانسن کا خیال ہے کہ کسی شخص کی موت کی تاریخ کی پیش گوئی کرنا اس شخص کی زندگی کی سب سے اہم تاریخ بن سکتی ہے کیونکہ اسے ذہن میں رکھ کر وہ شخص اچھی صحت کے لیے اقدامات کر سکتا ہے اور مالی منصوبے بنا سکتا ہے۔

اس مقصد کے لیے ایپ صحت کو بہتر بنانے کے لیے مختلف ٹپس بھی فراہم کرتی ہے۔AI ٹیکنالوجی آپ کی عادات کو مدنظر رکھ کر زندگی کی مدت کا تخمینہ لگاتی ہے اور پھر 'تاریخ موت' کے لیے الٹی گنتی پیش کرتی ہے۔یہ ایپ استعمال کرنے کے لیے مفت ہے، لیکن آپ کو لائیو کاؤنٹ ڈاؤن فیچر تک رسائی کے لیے فیس ادا کرنی ہوگی۔