بڑی خبر، پاکستان ریلوے نے مسافروں کے لیے بڑی رعایت کا اعلان کر دیا
- 03, دسمبر , 2024
نیوز ٹوڈے : پاکستان ریلوے نے ٹرین کے مسافروں کو ٹرین کے ٹکٹ پر 50 فیصد رعایت دینے کا فیصلہ کیا ہے۔رپورٹ کے مطابق پاکستان ریلوے نے معذور مسافروں کے لیے بڑا قدم اٹھاتے ہوئے انہیں ٹرین کے ٹکٹ پر 50 فیصد رعایت دینے کا فیصلہ کیا ہے۔
پاکستان ریلوے کے مطابق ملک میں تمام معذور مسافر گرین لائن ٹرین کے علاوہ تمام ایکسپریس اور مسافر ٹرینوں میں 50 فیصد رعایت کے ساتھ سفر کر سکیں گے۔تاہم صرف وہی لوگ اس رعایت سے مستفید ہو سکیں گے جن کے پاس کمپیوٹرائزڈ قومی شناختی کارڈ ہوگا اور ان کے شناختی کارڈ پر معذوری سے متعلق معلومات درج ہوں گی۔
پاکستان ریلوے کے مطابق ایسے معذور مسافر جو بصارت سے محروم ہوں گے، ان کے ساتھ آنے والے اٹینڈنٹ بھی رعایتی کرایوں کے اہل ہیں۔ اس رعایت کے اعلان کے ساتھ ہی محکمہ ریلوے نے بڑے اسٹیشنوں پر خصوصی بکنگ کاؤنٹرز، قابل رسائی واش رومز اور وہیل چیئرز بھی متعارف کرائے ہیں جب کہ جلد ہی ان سہولیات کا دائرہ مزید 12 ریلوے اسٹیشنوں تک بڑھایا جائے گا۔
تبصرے