وزیراعلیٰ پنجاب نے پنجاب میں ایک لاکھ صارفین کے لیے مفت سولر پینل سکیم کا آغاز کر دیا

نیوز ٹوڈے :   وزیراعلیٰ پنجاب نے پنجاب میں ایک لاکھ صارفین کے لیے مفت سولر پینل سکیم کا آغاز کر دیا۔وزیراعلیٰ مریم نواز نے وزیراعلیٰ پنجاب فری سولر پینل سکیم کا باقاعدہ افتتاح کر دیا، جس کے لیے پنجاب کے صارفین آج سے گھر بیٹھے ایس ایم ایس یا آن لائن پورٹل کے ذریعے درخواست دے سکتے ہیں۔

وزیراعلیٰ پنجاب فری سولر پینل سکیم کے بارے میں بریفنگ دیتے ہوئے صوبائی سیکرٹری انرجی نے کہا کہ سکیم کے تحت سال بھر میں ایک لاکھ سولر سسٹم لگائے جائیں گے، صوبے میں ماہانہ 200 یونٹس تک بجلی استعمال کرنے والے صارفین کو مفت سولر سسٹم فراہم کیا جائے گا۔ اور ماہانہ 100 یونٹ استعمال کرنے والے 52,019 صارفین کو 550 واٹ کا سولر سسٹم مفت دیا جائے گا۔

بریفنگ میں بتایا گیا کہ ماہانہ 200 یونٹ تک بجلی استعمال کرنے والے صارفین کو 1100 واٹ کا سولر سسٹم مفت دیا جائے گا اور وزیراعلیٰ پنجاب فری سولر پینل سکیم میں شفافیت کے لیے کمپیوٹرائزڈ قرعہ اندازی کی جائے گی۔

اس موقع پر مریم نواز نے کہا کہ مفت سولر پینل اسکیم کا مقصد عوام کو مہنگی بجلی سے مستقل ریلیف فراہم کرنا ہے۔ پنجاب میں 7.3 ملین صارفین 2000 روپے کی سبسڈی سے مستفید ہوئے۔ 14 فی یونٹ۔ عوامی وسائل عوام کی سہولت اور ریلیف کے لیے ہی خرچ کیے جائیں گے۔