پاکستانی کروڑوں ڈالر لے کر باہر جا رہے ہیں، یہ جاننا ضروری ہے کہ یہ پیسہ کہاں سے آیا: چیئرمین نیب
- 10, دسمبر , 2024
نیوز ٹوڈے : قومی احتساب بیورو (نیب) کے چیئرمین لیفٹیننٹ جنرل (ر) نذیر احمد بٹ نے کہا ہے کہ رواں سال نیب نے مختلف کارروائیوں کے ذریعے 13.57 ارب ڈالر یا 3800 ارب روپے کی ریکوری کی ہے جو کہ ایک سال کی سب سے بڑی ریکوری ہے۔
انہوں نے کہا کہ نیب نے اپنے قیام سے لے کر اب تک بالواسطہ اور بلاواسطہ 6.1 ٹریلین روپے برآمد کیے ہیں، ہزاروں متاثرین کو ان کی لوٹی ہوئی رقم واپس کر دی گئی ہے۔
نذیر احمد بٹ نے کہا کہ پاکستان کو قانونی امیگریشن کا چیلنج درپیش ہے، ترقی یافتہ ممالک سرمایہ کاری کے بدلے رہائش اور ویزے دے رہے ہیں اور پاکستانی پانچ لاکھ اور ایک لاکھ ڈالر لے کر باہر جا رہے ہیں۔
چیئرمین نیب نے کہا کہ یہ جاننا ضروری ہے کہ یہ رقم کہاں سے آئی؟ کیونکہ ان میں سے اکثر یہاں ٹیکس دہندگان تک نہیں ہیں۔
تبصرے