آن لائن شناختی کارڈ کیسے اور کہاں سے حاصل کیا جائے؟

نیوز ٹوڈے :   شناختی کارڈ حاصل کرنے کے خواہشمند شہریوں کو اب لمبی قطاروں میں نہیں کھڑا ہونا پڑے گا، وہ یہ عمل آن لائن خودکار مشینوں کے ذریعے کر سکیں گے۔کراچی کے شہریوں کو سہولت فراہم کرنے کے لیے جلد ہی شہر کے مختلف عوامی مقامات پر خودکار مشینیں لگائی جائیں گی۔ نادر جو کہ اپنے سسٹم میں جدت لانے کی کوشش کرتا رہتا ہے، اب کراچی کے لوگوں کو ایک نئی سہولت فراہم کرے گا، جس کے ذریعے شہری طویل انتظار کیے بغیر شناختی کارڈ کے حصول کا عمل چند منٹوں میں مکمل کر سکیں گے۔

اسلام آباد میں ایک کامیاب تجربے کے بعد نادر حکام نے اب کراچی میں بھی شناختی کارڈ کے حصول کے لیے خودکار مشینیں لگانے کا فیصلہ کیا ہے۔ کمپیوٹرائزڈ قومی شناختی کارڈ کی تجدید ہو یا گمشدہ این آئی سی کی واپسی، لوگ خودکار مشین استعمال کر سکیں گے، اس کے ساتھ ساتھ بی فارم حاصل کرنے والوں کو لمبی قطاروں میں کھڑے ہونے کی ضرورت نہیں پڑے گی، بلکہ خودکار مشین اور شہری چند منٹوں میں اس عمل کو مکمل کر سکیں گے۔

جو خودکار مشین نصب کی جائے گی وہ شہریوں کو بنیادی معلومات فراہم کرے گی، جیسے کہ بائیو میٹرک کروانے اور تصویر لینے جیسے بنیادی مراحل کو مکمل کرنا، اور ارجنٹ یا نارمل کا آپشن منتخب کرنے کے بعد، ایک کیو آر کوڈ موصول ہوگا جس کے ذریعے صارف ادائیگی کرے گا۔ 

اسسٹنٹ ڈائریکٹر نادرا عمار حیدر نے کہا کہ یہ سہولت کراچی میں بہت جلد شروع کر دی جائے گی اور عوامی مقامات پر دستیاب ہوگی۔ ان کے مطابق نادرا کا خودکار 'کیوسک' شہریوں سے معلومات لے گا اور دیے گئے مراحل کو مکمل کرنے کے بعد کیو آر کوڈ کی رسید فراہم کی جائے گی، جس کے بعد شہری جاز کیش یا ایزی پیسا کی مدد سے رقم ادا کریں گے، یہ رقم بھی وصول کی جائے گی۔ 

پہلے مرحلے میں یہ سہولت شہر قائد میں نادرا کے میگا سینٹرز میں فراہم کی جائے گی جس کے بعد اسے دیگر عوامی مقامات تک پھیلایا جائے گا۔ نادرا حکام کا مزید کہنا ہے کہ شناختی کارڈ بنانے کے لیے یہ خودکار مشینیں نادرا کے میگا سینٹرز، کراچی کے ریلوے اسٹیشنز، ایئرپورٹس، شاپنگ مالز، تعلیمی اور سرکاری اداروں میں نصب کیے جانے کا امکان ہے جب کہ شہریوں کو شناختی کارڈ 15 یا 30 کے بعد مل جائیں گے۔