جماعتوں میں اتنے اختلافات اور دوریاں پیدا ہو گئی ہیں کہ ایک ساتھ بیٹھنے کو تیار نہیں: گنڈا پور
- 11, دسمبر , 2024
.webp)
نیوز ٹوڈے : وزیراعلیٰ خیبرپختونخوا علی امین گنڈا پور نے کہا ہے کہ سیاسی جماعتوں میں اتنے اختلافات اور دوریاں پیدا ہو چکی ہیں کہ وہ ایک ساتھ بیٹھنے کو تیار نہیں۔ینگ پارلیمنٹرینز فورم کے نمائندہ وفد سے ملاقات کے دوران علی امین گنڈا پور نے کہا کہ سیاست اپنی جگہ لیکن ملکی ترقی اولین ترجیح ہونی چاہیے۔
وزیراعلیٰ خیبرپختونخوا کا کہنا تھا کہ چھوٹے صوبے اس لیے نہیں بن رہے کہ ہم ایک بڑی سلطنت پر حکومت کرنا چاہتے ہیں۔علی امین گنڈا پور نے شکایت کی کہ دہشت گردی کے خلاف جنگ اور ضم شدہ اضلاع کی بحالی کے لیے وفاق سے شیئرز کم مل رہے ہیں۔
ینگ پارلیمنٹرینز فورم کے وفد نے گورنر کے پی فیصل کریم کنڈی سے بھی ملاقات کی۔اجلاس کے موقع پر گورنر فیصل کریم کنڈی نے کہا کہ انضمام شدہ اضلاع کے لیے جاری کیے گئے چند فنڈز بدقسمتی سے وہاں خرچ نہیں ہوئے۔
تبصرے