سکولوں میں موسم سرما کی تعطیلات کا اعلان

نیوز ٹوڈے :   محکمہ تعلیم خیبرپختونخوا نے سکولوں میں موسم سرما کی تعطیلات کا اعلان کر دیا۔محکمہ تعلیم خیبرپختونخوا کے مطابق کے پی کے میدانی علاقوں میں اسکول 22 دسمبر سے 31 دسمبر تک بند رہیں گے جب کہ صوبے کے پہاڑی علاقوں میں اسکول 22 دسمبر سے 28 فروری تک بند رہیں گے۔دوسری جانب موسم سرما کی تعطیلات بلوچستان کے تعلیمی اداروں میں آج سے شروع ہو گئی ہیں۔ محکمہ تعلیم بلوچستان کے مطابق کوئٹہ سمیت 20 اضلاع میں اسکول، کالج اور یونیورسٹیاں آج سے بند کردی گئی ہیں۔ نوٹیفکیشن کے مطابق کوئٹہ کے سرد علاقوں میں تعطیلات 28 فروری تک جاری رہیں گی جب کہ گرم علاقوں میں 10 روزہ موسم سرما کی تعطیلات کا اعلان کیا گیا ہے۔

نوٹیفکیشن کے مطابق بلوچستان کے گرم علاقوں میں چھٹیاں یکم جنوری سے 10 جنوری تک ہوں گی۔اس سے قبل پنجاب بھر کے نجی اور سرکاری سکولوں میں موسم سرما کی تعطیلات کا اعلان کیا گیا تھا۔

سیکرٹری سکولز پنجاب خالد نذیر وٹو نے کہا تھا کہ پنجاب بھر کے سکولوں میں موسم سرما کی تعطیلات 20 دسمبر سے شروع ہوں گی اور تعطیلات 10 جنوری 2025 تک جاری رہیں گی، اس سال سکولوں میں موسم سرما کی 20 دن کی تعطیلات ہوں گی۔