تحریک انصاف کے بانی علی امین گنڈا پور کے بتانے پر سول نافرمانی کی تحریک شروع ہو گی

  • 17, دسمبر , 2024
علی امین گنڈا پور

نیوز ٹوڈے :   وزیراعلیٰ خیبرپختونخوا علی امین گنڈا پور نے کہا ہے کہ تحریک انصاف کے بانی جب کہیں گے تو سول نافرمانی کی تحریک شروع ہوگی۔پشاور میں میڈیا سے گفتگو کرتے ہوئے علی امین گنڈا پور نے کہا کہ مجھے دوسرے روز پی ٹی آئی کے بانی سے ملنے نہیں دیا گیا، مجھے کہا گیا کہ آپ کو ملنے کی اجازت نہیں۔انہوں نے کہا کہ میں پورے خیبرپختونخوا کا نمائندہ ہوں، مجھے کسی سے کلیئرنس کی ضرورت نہیں، جو اونچے ہتھکنڈے استعمال کررہے ہیں کیا ان کے پاس کلیئرنس ہے؟

سول نافرمانی سے متعلق سوال پر وزیراعلیٰ کے پی کے نے کہا کہ سول نافرمانی کی تحریک اس وقت شروع ہوگی جب پی ٹی آئی کے بانی بتائیں گے، ان کا حکم آئے گا اور پھر اس پر عمل ہوگا۔واضح رہے کہ علی امین گنڈا پور گزشتہ روز عمران خان سے ملاقات کے لیے اڈیالہ جیل پہنچے تھے تاہم انہیں پی ٹی آئی کے بانی سے ملاقات کی اجازت نہیں دی گئی۔
 

user

تبصرے

بطور مہمان تبصرہ کریں:
+

خاص خبریں

تازہ ترین

اقسام