شائقین کرکٹ کو بڑا جھٹکا لگ گیا، اسٹار کرکٹر نے ریٹائرمنٹ کا اعلان کر دیا

19, دسمبر , 2024

نیوز ٹوڈے : ہندوستان کے اسٹار اسپنر روی چندرن ایشون نے بین الاقوامی کرکٹ سے ریٹائرمنٹ کا اعلان کردیا۔برسبین میں آسٹریلیا کے خلاف تیسرے ٹیسٹ میچ کے اختتام پر روی چندرن ایشون نے کپتان روہت شرما کے ساتھ پریس کانفرنس میں ریٹائرمنٹ کا اعلان کیا۔ اس موقع پر روی چندرن اشون نے کہا، 'کرکٹ کے اس سفر میں میرا ساتھ دینے والے ہر ایک کا شکریہ، ۔

روی ایشون کا کہنا تھا کہ 'تمام فارمیٹس میں کرکٹر کے طور پر یہ میرا آخری دن تھا، میں نے اپنے کریئر کا بہت لطف اٹھایا، بہت سے یادگار لمحات ہیں اور ریٹائرمنٹ کا یہ لمحہ کافی جذباتی ہے۔' دوسری جانب بھارتی کرکٹ بورڈ نے بھی ایشون کو ان کی ریٹائرمنٹ پر خراج تحسین پیش کیا ہے۔ بی سی سی آئی نے سوشل میڈیا پر ایک پیغام میں لکھا کہ اشون کو شاندار کیریئر پر مبارکباد۔

یاد رہے کہ اشون نے 106 ٹیسٹ میچوں میں بھارت کی نمائندگی کی جس میں انہوں نے 537 وکٹیں حاصل کیں جب کہ 116 ون ڈے اور 65 ٹی ٹوئنٹی میچز کھیلے۔