چیئرمین پی سی بی کی جنوبی افریقہ کے خلاف دوسرے ون ڈے اور سیریز جیتنے پر ٹیم کو مبارکباد

نیوز ٹوڈے :   چیئرمین پاکستان کرکٹ بورڈ (پی سی بی) محسن نقوی نے جنوبی افریقہ کے خلاف دوسرا ون ڈے میچ اور سیریز جیتنے پر قومی کرکٹ ٹیم کو مبارکباد دی ہے۔چیئرمین پی سی بی نے کہا کہ قومی ٹیم کے کھلاڑیوں نے ہوم گراؤنڈ پر جنوبی افریقہ کو شکست دے کر شاندار کارکردگی کا مظاہرہ کیا، اس فتح سے کھلاڑیوں کے حوصلے بلند ہوں گے۔

محسن نقوی کا کہنا تھا کہ کھلاڑیوں نے شاندار ٹیم ورک کا مظاہرہ کرتے ہوئے سیریز جیت لی، محمد رضوان، بابر اعظم اور کامران غلام نے عمدہ بیٹنگ کرتے ہوئے فتح کی بنیاد رکھی۔ انہوں نے کہا کہ انہیں امید ہے کہ پاکستانی ٹیم چیمپئنز ٹرافی ٹورنامنٹ میں بھی ایسی ہی شاندار کارکردگی دکھائے گی۔

یاد رہے کہ پاکستان نے 3 ایک روزہ میچوں کی سیریز کے دوسرے میچ میں جنوبی افریقہ کو 81 رنز سے شکست دے کر سیریز اپنے نام کی تھی۔

جنوبی افریقہ کی دعوت پر پاکستانی ٹیم 49.5 اوورز میں 329 رنز بنا کر آؤٹ ہو گئی۔ پاکستان کو تین میچوں کی سیریز میں جنوبی افریقہ پر 0-2 کی برتری حاصل ہے۔پاکستان نے تیسری بار جنوبی افریقہ میں ون ڈے سیریز جیتی، 21ویں صدی میں تین بار جنوبی افریقہ میں ون ڈے سیریز جیتنے والی پہلی ٹیم بن گئی۔