دفاعی تجزیہ کاروں کے لیے آئی ایس پی آر کی اجازت سے متعلق پیمرا کا نوٹیفکیشن معطل

  • 20, دسمبر , 2024
پیمرا

نیوز ٹوڈے :   پیمرا کا آئی ایس پی آر کی اجازت سے مشروط ٹی وی پروگرامز میں دفاعی تجزیہ کاروں کی شرکت کا نوٹیفکیشن معطل کر دیا گیا ہے۔

اسلام آباد ہائی کورٹ کے جسٹس بابر ستار نے کرنل (ر) انعام الرحیم ایڈووکیٹ کی درخواست پر سماعت کا تحریری حکم جاری کردیا۔حکم نامے میں کہا گیا ہے کہ ٹی وی پروگراموں میں دفاعی تجزیہ کاروں کی آئی ایس پی آر کی اجازت سے مشروط شرکت کا نوٹیفکیشن اس کیس کے فیصلے تک معطل رہے گا۔

نوٹیفکیشن کے مطابق ٹی وی پروگرامز میں صرف مسلح افواج کے ریٹائرڈ افسران ہی شرکت کر سکتے ہیں، پیمرا نے ٹی وی پروگرامز میں ریٹائرڈ افسران کی شرکت کو آئی ایس پی آر کی اجازت سے مشروط کیا تھا۔

17 دسمبر کو پیمرا کی نمائندگی کرنے والے وکیل عدالتی سماعت میں پیش نہیں ہوئے اور معاون وکیل نے سینئر وکیل کی صحت کے باعث سماعت ملتوی کرنے کی استدعا کی۔

عدالت نے حکم نامے میں لکھا کہ اب تک کی عدالتی سماعت میں دیے گئے دلائل کی بنیاد پر پیمرا کا نوٹیفکیشن معطل ہے جو کیس کے فیصلے تک معطل رہے گا۔کیس کی اگلی سماعت 11 فروری کو ہوگی۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام