نئے سال کے استقبال کے لیے واٹس ایپ نے کچھ نئے فیچرز شامل کیے ہیں

  • 20, دسمبر , 2024
واٹس ایپ

نیوز ٹوڈے :  واٹس ایپ نے نئے سال کے استقبال کے لیے خصوصی اسٹیکرز، ویڈیو کالنگ ایفیکٹس اور ری ایکشن متعارف کرائے ہیں۔

یہ خصوصیات محدود مدت کے لیے صارفین کے لیے دستیاب ہوں گی۔20 دسمبر سے 3 جنوری تک صارفین کو خصوصی اسٹیکرز، ویڈیو اثرات اور ردعمل تک رسائی حاصل ہوگی۔

اس کا مقصد نئے سال کا استقبال کرتے ہوئے چیٹس اور ویڈیو کالز کو بہتر بنانا ہے۔ ان میں سے ایک فیچر نیو ایئر کالنگ ایفیکٹس ہے، جس کے ذریعے صارفین ویڈیو کالز کے دوران نئے سال کی تھیم کے مطابق اپنے بیک گراؤنڈ، فلٹرز اور ایفیکٹس کو استعمال کر سکیں گے۔

اسی طرح واٹس ایپ بھی ایموجی ری ایکشن میں ایک دلچسپ تبدیلی کر رہا ہے۔جب صارفین پیغامات پر مختلف پارٹی ایموجی ری ایکشنز استعمال کرتے ہیں تو دونوں طرف ایک کنفیٹی اینیمیشن نظر آئے گا۔

واٹس ایپ نئے سال کا اسٹیکر پیک بھی متعارف کروا رہا ہے، جبکہ اوتار اسٹیکرز بھی نئے سال کا جشن منانے کے لیے دستیاب ہوں گے۔ان نئے فیچرز کو استعمال کرنے کے لیے آپ کو اپنے واٹس ایپ کو اپ ڈیٹ کرنا ہوگا، جس کے بعد ہی وہ قابل رسائی ہوں گے۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام