لاہور اکیلا پنجاب نہیں پورے پنجاب میں ترقیاتی منصوبے لگائے جائیں، گورنر پنجاب

نیوز ٹوڈے :   گورنر پنجاب سردار سلیم حیدر خان نے پنجاب حکومت کو تنقید کا نشانہ بناتے ہوئے کہا ہے کہ خدا گواہ ہے کہ پنجاب میں کوئی ایسا ہسپتال نہیں جہاں غریب کا مفت علاج ہو سکے جب کہ سندھ کے تمام ہسپتالوں میں غریب ترین مریضوں کا بھی مفت علاج کیا جاتا ہے۔ .

اٹک میں عوامی اجتماع سے خطاب کرتے ہوئے گورنر پنجاب سردار سلیم حیدر خان کا کہنا تھا کہ ترقیاتی منصوبے پورے پنجاب میں لگائے جائیں، لاہور صرف پنجاب نہیں، اٹک، چکوال، جہلم، راجن پور اور ڈی جی خان بھی پنجاب ہیں۔

انہوں نے کہا کہ عوام ہر چیز پر ٹیکس دے رہے ہیں، اس کے باوجود پنجاب کے حکمرانوں کے عوام کو ریلیف دینے کے بلند بانگ دعوے جھوٹ ہیں۔

گورنر پنجاب نے کہا کہ کسی بھی حکومت کا سب سے بڑا فرض صحت اور تعلیم کی مفت سہولیات فراہم کرنا ہوتا ہے، صرف لاہور کو پنجاب نہیں کہا جا سکتا، اٹک، چکوال سمیت دیگر اضلاع بھی پنجاب کا حصہ ہیں، باقی اضلاع کو اہمیت دینا ہو گی، ورنہ حکومت کام نہیں کرے گی۔

سلیم حیدر خان نے کہا کہ خاموش رہیں تو پنجاب میں اپوزیشن نہیں، عوامی نمائندوں سے پوچھا جائے کہ اسپتالوں میں ڈاکٹرز کیوں نہیں ہیں۔انہوں نے کہا کہ بلاول بھٹو زرداری کو وزیراعظم بنایا جائے گا، اس موقع پر اٹک کی مختلف یونین کونسلوں سے مختلف برادریوں نے پی پی میں شمولیت کا اعلان کیا۔