ملک میں انٹرنیٹ کی رفتار بڑھانے کے لیے جدید کیبل آج سے منسلک کر دی جائے گی

  • 24, دسمبر , 2024
جدید کیبل

نیوز ٹوڈے :   پاکستان میں انٹرنیٹ کی رفتار بڑھانے کے لیے جدید کیبل آج سے منسلک کر دی جائے گی۔ملک میں انٹرنیٹ کی رفتار بڑھانے کے لیے جدید کیبل افریقہ سے منسلک کرنے کے پروگرام کے تحت آج پاکستان سے 45 ہزار کلومیٹر طویل انٹرنیٹ کیبل منسلک کر دی جائے گی۔آئی ٹی ماہرین کا کہنا ہے کہ کیبل کی گنجائش 180 ٹیرا بائٹس فی سیکنڈ ہے جس سے سوشل میڈیا ایپس سمیت انٹرنیٹ کی رفتار میں اضافہ ہوگا۔

واضح رہے کہ حال ہی میں وزیر مملکت برائے انفارمیشن ٹیکنالوجی شازہ فاطمہ نے اعتراف کیا تھا کہ ملک میں انٹرنیٹ کی رفتار اتنی نہیں ہے جیسی ہونی چاہیے۔حکومتی اتحادی پیپلز پارٹی نے انٹرنیٹ کی رفتار میں کمی پر حکومت پر حملہ کیا تھا۔

قومی اسمبلی کے اجلاس کے دوران اظہار خیال کرتے ہوئے شازیہ مری نے کہا کہ مضحکہ خیز بات ہے کہ اتنی انٹرنیٹ سپیڈ کے ساتھ ڈیجیٹل نیشن بل لایا گیا، فائر وال سننے والوں کے کانوں پر جوں تک نہیں رینگ چکے ہیں۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام