سال 2025 میں کتنی چھٹیاں ہوں گی؟ حکومت نے نوٹیفکیشن جاری کر دیا

نیوز ٹوڈے :   وفاقی حکومت نے سال 2025 میں تعطیلات کا نوٹیفکیشن جاری کر دیا۔ سال 2025 میں 40 سرکاری تعطیلات اور اختیاری تعطیلات ہوں گی اور اگلے سال 17 سرکاری تعطیلات اور 23 اختیاری چھٹیاں ہوں گی۔نوٹیفکیشن کے مطابق 5 فروری 2025 کو یوم کشمیر پر عام تعطیل ہو گی، 23 مارچ 2025 کو یوم پاکستان پر عام تعطیل ہو گی، یکم مئی 2025 کو یوم مزدور اور 28 مئی 2025 کو یوم تکبیر کے لیےعام تعطیل ہو گی۔ 

اس کے علاوہ 30، 31 مارچ اور یکم اپریل 2025 کو عید الفطر کی 3 چھٹیاں ہوں گی، 7 سے 9 جون 2025 کو عید الاضحی کی 3 چھٹیاں ہوں گی۔ 9 اور 10 محرم کی تعطیلات 5 اور 6 جولائی 2025 کو ہوں گی۔ ۔

14 اگست 2025 کو یوم آزادی کے موقع پر عام تعطیل ہوگی۔ 5 یا 6 ستمبر 2025 کو عید میلاد النبی صلی اللہ علیہ وسلم کی عام تعطیل ہوگی۔ 9 نومبر 2025 کو یوم اقبال پر عام تعطیل ہوگی۔ 25 دسمبر 2025 کو یوم قائداعظم کے موقع پر عام تعطیل ہوگی۔

مسیحی ملازمین کے لیے کرسمس کے بعد 26 دسمبر 2025 کو عام تعطیل ہوگی۔نوٹیفکیشن کے مطابق سال 2025 کے لیے اسلامی تعطیلات متوقع تاریخ کے مطابق مقرر کی گئی ہیں۔ چاند نظر آنے کے بعد تعطیلات کا الگ سے نوٹیفکیشن بھی جاری کیا جائے گا۔

سال 2025 میں یکم جنوری، یکم مارچ، یکم جولائی کو بینکوں کی چھٹی ہوگی۔ مسلم سرکاری ملازمین کو سال میں ایک سے زیادہ اختیاری چھٹی نہیں ملے گی۔ غیر مسلم سرکاری ملازمین کو ایک سال میں 3 سے زیادہ اختیاری چھٹیاں نہیں ملیں گی۔