بابر اعظم نے ایک اور اعزاز اپنے نام کر لیا
- 26, دسمبر , 2024
نیوز ٹوڈے : قومی کرکٹ ٹیم کے لیجنڈ بلے باز اور سابق کپتان بابر اعظم نے ایک اور اعزاز اپنے نام کر لیا۔انٹرنیشنل کرکٹ کونسل (آئی سی سی) نے ون ڈے، ٹی ٹوئنٹی اور ٹیسٹ میں کھلاڑیوں کی نئی رینکنگ جاری کردی۔
آئی سی سی کی ون ڈے پلیئرز رینکنگ میں پاکستان کے بابر اعظم 795 پوائنٹس کے ساتھ ون ڈے رینکنگ میں پہلی پوزیشن پر برقرار ہیں۔ یہ لگاتار چوتھا موقع ہے کہ بابر اعظم نے ون ڈے رینکنگ میں پہلی پوزیشن کے ساتھ سال کا اختتام کیا ہے۔
بابر اعظم سال 2022، 2021، 2023 اور 2024 کے آخر میں ٹاپ ون ڈے بلے باز رہے ہیں۔
بابر اعظم پاکستان کے واحد بلے باز ہیں جنہیں یہ اعزاز حاصل ہوا ہے۔ان سے پہلے ویرات کوہلی اور اے بی ڈویلیئرز بھی لگاتار 4 بار یہ اعزاز حاصل کر چکے ہیں۔
تبصرے