نواز شریف کے پوتے حسین نواز کے بیٹے کی شادی کی تقریبات شروع ہو گئیں

26, دسمبر , 2024

نیوز ٹوڈے : سابق وزیراعظم نواز شریف کے پوتےاور حسین نواز کے صاحبزادے زید حسین نواز کی شادی کی تقریبات کا آغاز ہو گیا ہے۔زید حسین نواز کا نکاح اور مہندی کی تقریب 25 دسمبر کو ہوئی جب کہ شادی کی تقریب 27 دسمبر اور ولیمہ 29 دسمبر کو لاہور میں ہو گا۔

بدھ کو نواز شریف کے پوتےزید حسین نواز کی مہندی اور نکاح کی تقریب کے موقع پر جاتی امرا کی رہائش گاہ کو شمعیں روشن کی گئیں۔ نکاح کی تقریب میں 500 افراد کو مدعو کیا گیا ہے جبکہ ولیمہ کی تقریب میں 700 افراد کو مدعو کیا گیا ہے۔

شادی کی تقریبات میں امریکہ، برطانیہ، سعودی عرب، قطر، متحدہ عرب امارات اور ہندوستان سے مہمان شرکت کریں گے۔حسین نواز، ان کے اہل خانہ اور ان کی بہن عاصمہ نواز بھی شادی میں شرکت کے لیے پاکستان پہنچ چکے ہیں۔ مہمانوں کی سیکیورٹی کا انتظام پنجاب پولیس کرے گی۔

رائیونڈ میں عمرہ زائرین کو جانے والے راستوں کو سجانے کا کام جاری ہے۔ سڑک کے کنارے لگے درختوں کو روشنیوں سے روشن کیا جا رہا ہے جبکہ مختلف مقامات پر پھولوں کے گملے بھی لگائے گئے ہیں۔