معروف کھلاڑی نے پی ایس ایل کھیلنے کا اعلان کر دیا
- 31, دسمبر , 2024
نیوز ٹوڈے : پی سی بی پاکستان سپر لیگ سیزن 10 کی تیاریاں کر رہا ہے جب کہ نامور غیر ملکی کھلاڑیوں کی سائن اپ کرنے کی تعداد میں بھی دن بدن اضافہ ہو رہا ہے۔تفصیلات کے مطابق جنوبی افریقہ کی 'روزی وین ڈیر ڈوسن' نے بھی پی ایس ایل سیزن 10 کے لیے رجسٹریشن کرائی ہے جنہوں نے حال ہی میں پاکستان کے خلاف ٹیسٹ سیریز میں شاندار کارکردگی دکھائی تھی۔
گزشتہ دنوں انگلینڈ کے فاسٹ بولر ڈیوڈ ولی اور جارحانہ اوپنر جیسن رائے کے بعد ڈیوڈ ملان اور سیم کرن نے بھی پی ایس ایل کے لیے غیر ملکی ڈرافٹس میں اپنا نام باضابطہ طور پر درج کرایا ہے۔ ان کے علاوہ زمبابوے کے کپتان سکندر رضا، آسٹریلوی وکٹ کیپر ایلکس کیری، بنگلہ دیشی فاسٹ بولر مستفیض الرحمان اور آل راؤنڈر شکیب الحسن، انگلینڈ کے ڈیوڈ ولی اور آسٹریلیا کے عثمان خواجہ کے ناموں کی بھی تصدیق ہوئی ہے۔
واضح رہے کہ پی ایس ایل کے 10ویں ایڈیشن کے لیے پلیئر ڈرافٹ 11 جنوری کو گوادر میں ہوگا۔
تبصرے