روہت شرما نے ٹیسٹ کرکٹ سے ریٹائرمنٹ کا فیصلہ کر لیا

  • 31, دسمبر , 2024
روہت شرما

نیوز ٹوڈے :   بھارتی ٹیسٹ کرکٹ ٹیم کے کپتان روہت شرما نے ٹیسٹ کرکٹ سے ریٹائرمنٹ کا فیصلہ کر لیا ہے۔

ٹائمز آف انڈیا کی رپورٹ کے مطابق روہت شرما آسٹریلیا کے خلاف جاری 5 ٹیسٹ میچوں کی سیریز کے اختتام پر ریٹائرمنٹ کا اعلان کریں گے۔ بھارتی میڈیا کے مطابق بی سی سی آئی کے سینئر حکام اور سلیکٹرز کو بھی اس بات کا علم ہے اور انہوں نے کپتان سے بات کی ہے تاہم اطلاعات ہیں کہ روہت شرما اپنے ریٹائرمنٹ کے فیصلے پر بضد ہیں اور اسے تبدیل نہیں کریں گے۔

رپورٹ کے مطابق روہت شرما اس بات کا حتمی اعلان کب کریں گے، یہ نہیں بتایا جا سکتا، تاہم اس بات کا قوی امکان ہے کہ وہ سڈنی میں ہونے والے پانچویں ٹیسٹ میچ کے اختتام پر ریٹائرمنٹ کا اعلان کر دیں گے۔

بھارتی میڈیا کے مطابق روہت شرما نے اس سیریز کے 3 ٹیسٹ میچوں کی 6 اننگز میں صرف 31 رنز بنائے ہیں۔اس وقت آسٹریلیا کو ٹیسٹ سیریز میں 1-2 کی برتری حاصل ہے جبکہ ایک ٹیسٹ میچ ڈرا ہوا تھا۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام