خان کے حکم پر مذاکرات شروع ہوئے، وہ فیصلہ کریں گے کہ کیسے آگے بڑھنا ہے: گنڈا پور

  • 03, جنوری , 2025
گنڈا پور

نیوز ٹوڈے :    وزیر اعلیٰ خیبرپختونخوا علی امین گنڈا پور کا کہنا ہے کہ تحریک انصاف کے بانی عمران خان کے حکم پر مذاکرات شروع ہوئے، آگے بڑھنے کا فیصلہ عمران خان کریں گے۔حکومت اور تحریک انصاف کے درمیان مذاکرات کا دوسرا دور گزشتہ روز ہوا۔ تحریک انصاف نے اپنے تحریری مطالبات پر عمران خان سے مشاورت کے لیے مزید وقت مانگ لیا ہے۔

مذاکراتی کمیٹی کے اجلاس کے بعد صحافیوں سے گفتگو میں علی امین گنڈا پور نے کہا کہ جب سے مذاکرات کے لیے کمیٹی بنائی گئی ہے، لگتا ہے کہ وہ مسائل کا حل چاہتے ہیں۔ میں بیک ڈور پرسن نہیں ہوں بلکہ ایک کھلی کتاب ہوں۔ ہمیں مل بیٹھ کر مسائل کو جمہوری طریقے سے حل کرنا چاہیے۔ وزیر اعلیٰ کے پی کا کہنا تھا کہ یہ اچھی بات ہے کہ 9 مئی کے ملزمان رہا ہوئے، ہمارے کارکنوں نے جمہوریت کے لیے خون بہایا اور حقیقی آزادی کے لیے شہید ہوئے۔

کرم کے واقعات پر علی امین گنڈا پور نے کہا کہ کرم کے واقعات آج کے نہیں 50 سال سے ہو رہے ہیں لیکن معاملات خوش اسلوبی سے حل ہو رہے ہیں۔

user

تبصرے

بطور مہمان تبصرہ کریں:
+

خاص خبریں

تازہ ترین

اقسام