کشمیر کی آزادی کا سورج جلد طلوع ہوگا، مریم نواز

  • 06, جنوری , 2025
مریم نواز

نیوز ٹوڈے :  وزیر اعلیٰ پنجاب مریم نواز شریف نے کہا ہے کہ بہت جلد کشمیر کی آزادی کا سورج طلوع ہو گا۔ کشمیریوں کے حق خود ارادیت کے دن پر اپنے پیغام میں مریم نواز نے کہا کہ کشمیری یوم حق خودارادیت پر ہم کشمیری شہداء کو خراج عقیدت پیش کرتے ہیں، آج کا دن مظلوم کشمیریوں کی جدوجہد آزادی کو سلام پیش کرنے کا دن ہے۔

انہوں نے کہا کہ اقوام متحدہ نے 5 جنوری 1949 کو کشمیریوں کے حق خودارادیت کو تسلیم کیا، کشمیری بھائی بہن کئی دہائیوں سے بھارتی مظالم اور بربریت کا سامنا کر رہے ہیں، پاکستان کشمیریوں کے حق خودارادیت کی بھرپور حمایت جاری رکھے گا، حکومت پاکستان کشمیر کاز کو متعلقہ فورمز پر اجاگر کر رہا ہے۔

مریم نواز نے کہا کہ عالمی برادری کشمیریوں کو جائز حقوق دلانے کے لیے کردار ادا کرے، کشمیر کے بغیر پاکستان نامکمل ہے اور کشمیریوں کی جدوجہد ہماری اپنی جدوجہد ہے، وہ دن دور نہیں جب کشمیر کی آزادی کا سورج طلوع ہو گا۔ 

user

تبصرے

بطور مہمان تبصرہ کریں:
+

خاص خبریں

تازہ ترین

اقسام