پیپلز پارٹی کی حکومت کو بڑا خطرہ

نیوز ٹوڈے :   پاکستان پیپلز پارٹی (پی پی پی) کی رہنما شازیہ مری نے کہا ہے کہ جس دن پیپلز پارٹی حکومت سے حمایت واپس لے گی، وفاقی حکومت بھی ختم ہو جائے گی۔تفصیلات کے مطابق پیپلز پارٹی کی ترجمان شازیہ مری نے ایک بیان میں میری ٹائم اینڈ سی پورٹ اتھارٹی کے حوالے سے شدید ردعمل کا اظہار کرتے ہوئے کہا ہے کہ وفاقی حکومت مسلسل ایسے فیصلے کر رہی ہے جنہیں اعتماد میں نہیں لیا جا رہا، پاکستان میری ٹائم اینڈ سی پورٹ اتھارٹی کا قیام پورٹ اتھارٹی کو اعتماد میں نہیں لیا گیا۔

انہوں نے کہا کہ وہ بار بار کہہ رہے ہیں کہ وفاقی حکومت کو پیپلز پارٹی کی حمایت حاصل ہے اور جس دن پیپلز پارٹی حمایت واپس لے گی اس دن وفاقی حکومت بھی ختم ہو جائے گی، شاید ن لیگ کو اس کا احساس نہیں۔

ترجمان پی پی شازیہ مری نے کہا کہ وفاقی حکومت ایسے فیصلے کر رہی ہے جنہیں اعتماد میں نہیں لیا جا رہا، سندھ حکومت اور پیپلز پارٹی دونوں کو اتھارٹی کے فیصلے سے لاعلم رکھا گیا ہے۔ انہوں نے کہا کہ قومی مفادات کونسل کا اجلاس بلانے کے بہت سے مطالبات ہوئے، 11 ماہ گزر گئے اور مشترکہ مفادات کونسل کا اجلاس ابھی تک نہیں بلایا گیا، آئین کی مسلسل اور کھلم کھلا خلاف ورزی کی جا رہی ہے۔

ترجمان پی پی نے کہا کہ وزیراعظم 3 ماہ میں مشترکہ مفادات کونسل کا اجلاس بلانے کے پابند ہیں، میری ٹائم اور سی پورٹ اتھارٹی کا معاملہ مشترکہ مفادات کونسل میں لایا جائے۔ انہوں نے کہا کہ کیا اتحادیوں اور صوبوں کو اعتماد میں لیے بغیر اہم معاملات پر فیصلہ کرنا دانشمندی ہے؟ وفاقی حکومت کا اپروچ سمجھ سے بالاتر ہے، اس اپروچ سے خلیج بڑھے گی، ملک کو آئینی اور قانونی اصولوں پر چلایا جائے تو سب کے لیے بہتر ہوگا، میری ٹائم سیکٹر پر اتحادیوں اور صوبوں کی رائے پہلے لی جائے۔